ԵՐԵՎԱՆ, 29 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 27-ին «Հանրապետական» մարզադաշտում տեղի ունեցավ հայկական ֆուտբոլի երախտավոր Հակոբ Տոնոյանի անվան սուպերգավաթի հոբելյանական` 10-րդ խաղարկությունը: Պատվավոր ավարի համար մրցեցին «Փյունիկը» եւ «Միկան»: Հիմնական ժամանակում գոլ չգրանցվեց: Մրցակարգով հատկացվեց լրացուցիչ 30 րոպե տեւողությամբ ժամանակ: 2:1 հաշվով հաղթեց «Փյունիկը» եւ արժանացավ սուպերգավաթին: «Փյունիկի» ավագ Սարգիս Հովսեփյանի գավաթը հանձնեց Հակոբ Տոնոյանի թոռը` Արսեն Տոնոյանը:

---