ՎԱՇԻՆԳՏՈՆ, 25 ՄԱՅԻՍԻ, ՆՈՅՅԱՆ ՏԱՊԱՆ: Մի քանի շաբաթ Դեմոկրատական կուսակցության` Սպիտակ տանն ուղղված դիմակայությունը ի վերջո հասավ իր ավարտին, ինչ արդյունքում դեմոկրատները զիջեցին իրենց դիրքերը ԱՄՆ Ներկայացուցիչների պալատն ու Սենատը հավանություն են տվել բյուջետային օրինագծին, որի համաձայն, պետք է 120 միլարդ դոլար տրամադրվի Իրաքում եւ Աֆղանստանում իրականացվող ամերիկյան ռազմական գործողությունների ֆինանսավորման համար: Սրա հետ մեկտեղ փաստաթղթում չի նշվում ամերիկյան զորքերի դուրս բերման կոնկրետ ժամանակահատվածը: Հիշեցնենք, որ Կոնգրեսում մեծամասնություն կազմող դեմոկրատները մի քանի շաբաթ շարունակ պահանջում էին, որպեսզի փաստաթղթում նշվեն Իրաքից ամերիկյան զորքերի դուրս բերման կոնկրետ ժամկետը: Սակայն վերջիններս չկարողացան հաղթահարել նախագահի վետոն: Փաստաթղթում կան նաեւ 18 քաղաքական եւ տնտեսական պահանջներ, որոնք պետք է իրականացնի Բաղդադը:

---