ԵՐԵՎԱՆ, 14 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 14-ին Երեւան վերադարձավ հրաձիգ Նորայր Բախտամյանը, որը մասնակցում էր մայիսի 2-12-ին Բանգկոկում անցկացված հրաձգության աշխարհի գավաթի խաղարկության հերթական փուլին: Օդամղիչ ատրճանակով 10 մ եւ 50 մ տարածություններում նա վաստակեց, համապատասխանաբար, 589 եւ 567 միավոր եւ 2 դեպքում էլ գրավեց 2-րդ տեղը: Մայիսի 28-ին Ն.Բախտամյանը Մյունխենում կմասնակցի աշխարհի գավաթի խաղարկության հաջորդ փուլի մրցաշարին:

---