ԵՐԵՎԱՆ, 3 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 3-ին Երեւանից Թբիլիսի, իսկ այնտեղից Բաքու մեկնեցին ՀԱՕԿ-ի փոխնախագահ Ռազմիկ Ստեփանյանը, գլխավոր քարտուղար Արմեն Գրիգորյանը եւ ըմբշամարտի հանրապետական ֆեդերացիայի փոխնախագահ, օլիմպիական չեմպիոն Լեւոն Ջուլֆալակյանը: Նրանք Բաքու են մեկնել այնտեղ սեպտեմբերին անցկացվելիք ըմբշամարտի աշխարհի առաջնությունում Հայաստանի մարզիկների մասնակցությամբ հարցի առթիվ: Բանակցություններին կմասնակցի նաեւ ըմբշամարտի միջազգային ֆեդերացիայի միջնորդական խումբը: Հայաստանի պատվիրակությունը հայրենիք կվերադառնա մայիսի 5-ին:

---