ԴՐԵԶԴԵՆ, 13 ԱՊՐԻԼԻ, ՆՈՅՅԱՆ ՏԱՊԱՆ: Դրեզդենում ապրիլի 12-ին տեղի ունեցան Եվրոպայի շախմատի անհատական առաջնության 9-րդ փուլի հանդիպումները: Տղամարդկանց մրցաշարում 7 միավորով միանձնյա առաջատար է Անդրեյ Վոլոկիտինը (Ուկրաինա): 21 շախմատիստ ունի 6,5-ական միավոր: Հայաստանի պատվիրակներից Տիգրան Լեւոնի Պետրոսյանը եւ Արտաշես Մինասյանը 6-ական միավոր ունեն: Կանանց մրցաշարում 8 միավորով առաջատարն է Տատյանա Կոզինցեւան (Ռուսաստան): 3 մարզուհի ունեն 7-ական միավոր: Հայաստանի ներկայացուցիչներից լավագույնը Էլինա Դանիելյանն է, որը եւս 6 մասնակցի հետ 6,5-ական միավորով բաժանում է 5-11-րդ տեղերը:

---