ԷԼԻՆԱ ԴԱՆԻԵԼՅԱՆԸ ԵՎՐՈՊԱՅԻ ՇԱԽՄԱՏԻ ԱՆՀԱՏԱԿԱՆ ԱՌԱՋՆՈՒԹՅՈՒՆՈՒՄ
5,5 ՄԻԱՎՈՐՈՎ ԲԱԺԱՆՈՒՄ Է 2-8-ՐԴ ՏԵՂԸ
10-04-2007 18:48:00 | Գերմանիա | Սպորտ
ԴՐԵԶԴԵՆ, 10 ԱՊՐԻԼԻ, ՆՈՅՅԱՆ ՏԱՊԱՆ: Գերմանիայի Դրեզդեն
քաղաքում անցկացվող Եվրոպայի շախմատի անհատական առաջնությունում
ապրիլի 9-ին կայացան 7-րդ փուլի հանդիպումները:
Տղամարդկանց մրցաշարում 7 հնարավորից 6 միավոր է վաստակել եւ
միանձնյա առաջատարն է Անդրեյ Վոլոկիտինը (Ուկրաինա): Հայաստանի
պատվիրակներից Արտաշես Մինասյանը, Տիգրան Լ. Պետրոսյանը եւ Արման
Փաշիկյանը վաստակել են 4,5-ական միավոր եւ, համապատասխանաբար,
զբաղեցնում են 54, 57 եւ 97-րդ տեղերը: Ռաֆայել Վահանյանը, Զավեն
Անդրիասյանը եւ Գաբրիել Սարգսյանն ունեն 4-ական, իսկ Տիգրան
Քոթանջյանն ու Կարեն Ասրյանը` 3,5-ական միավոր:
Կանանց մրցաշարի միանձնյա առաջատարը Տատյանա Կոզինցեւան է
(Ռուսաստան), որը 7 հնարավորից ունի 7 միավոր: Էլինա Դանիելյանը 7
մասնակիցների հետ 5,5-ական միավորով բաժանում է 2-8-րդ տեղը: Իսկ
Լիլիթ Մկրտչյանը եւ Սիրանուշ Անդրիասյանն ունեն 4-ական միավոր:
Դրեզդենում է գտնվում նաեւ Լեւոն Արոնյանը, որը հետեւում է իր
թիմակիցների ելույթներին: Մրցավարտից հետո նա հավաքականի հետ
կվերադառնա Հայաստան եւ կնախապատրաստվի Վլադիմիր Կրամնիկի հետ
Երեւանում մայիսին անցկացվելիք արագ շախմատի մրցամարտին:
Եվրոպայի շախմատի անհատական առաջնությունում ապրիլի 10-ը
հանգստի օր է հայտարարված: 48