ԵՐԵՎԱՆ, 9 ՄԱՐՏԻ, ՆՈՅՅԱՆ ՏԱՊԱՆ: Միջազգային ավիացիոն կազմակերպությունը (ՄԱԿ) հրապարակել է վերջնական եզրակացությունը մայիսին Սոչիում կործանված հայկական Ա-320 ինքնաթիռի վթարի պատճառների վերաբերյալ: Այն գրեթե չի տարբերվում հուլիսին տարածած նախնական եզրակացությունից: Հիշեցնենք, որ ըստ այդ եզրակացության, օդանավի իջեցման պահին հրամանատարը կատարել է ոչ համարժեք գործողություններ, իսկ երկրորդ օդաչուի կողմից իջեցման պարամետրերի նկատմամբ անհրաժեշտ հսկողություն չի իրականացվել: Անձնակազմի հետագա գործողությունները` նպատակաուղղված արդեն անհրաժեշտ վերասլացին, երկրին մոտենալու նախազգուշացման համակարգի ազդանշանման ընթացքում եղել են ոչ կոորդինացված եւ անբավարար` ինքնաթիռը իջեցումից դուրս հանելու համար: Ինչպես «ՆՈՅՅԱՆ ՏԱՊԱՆ»-ի թղթակցին հայտնեց ՀՀ Քաղավիացիայի Գլխավոր վարչության պետի մամլո քարտուղար Գայանե Դավթյանը, ՔԱԳՎ-ի հանձնախմբի դիտողությունները փաստաթղթի տեսքով կցվել են ՄԱԿ-ի եզրակացությանը:

---