ԵՐԵՎԱՆ, 9 ՄԱՐՏԻ, ՆՈՅՅԱՆ ՏԱՊԱՆ: Մարտի 9-ի ժամը 00:30-ի սահմաններում ավտովթարի հետեւանքով զոհվել է ՀՀ ֆուտբոլի ազգային հավաքականի նախկին պաշտպան Վարդան Խաչատրյանը: Վթարից անմիջապես հետո նրան տեղափոխել են հիվանդանոց, սակայն նրա կյանքը փրկել չի հաջողվել: Վ.Խաչատրյանը 39 տարեկան էր: Նա եղել է ՀՀ Ազգային հավաքականի ավագը, որի կազմում մասնակցել է 30 խաղի: Նա հանդես է եկել «Արարատի»-ի, Մոսկվայի «Տորպեդոյի», Զապորոժիեյի «Մետալուրգի» եւ Կազանի «Ռուբինի»-ի կազմում: Վ.Խաչատրյանը վերջին տարիներին աշխատում էր «Փյունիկ» ակումբի մարզադպրոցում:

---