ԱՐԹՈՒՐ ՉԻԲՈՒԽՉՅԱՆԸ ԼՐԱՑՐԵՑ ԳՐՈՍՏՄԱՅՍՏԵՐԻ 1-ԻՆ ՄԻԱՎՈՐԸ
23-02-2007 15:46:00 | Ռուսաստան | Սպորտ
ՄՈՍԿՎԱ, 23 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 22-ին
Մոսկվայում ավարտվեց շախմատի «Աէրոֆլոտ օփեն» միջազգային մրցաշարը:
«A1» խմբում 9 հնարավորից 7 միավոր վաստակեց եւ միանձնյա
հաղթող ճանաչվեց Եվգենի Ալեքսեեւը (Ռուսաստան): Արտաշես Մինասյանը,
Վլադիմիր Հակոբյանը, Գաբրիել Սարգսյանը եւ Կարեն Ասրյանը 5,5-ական
միավորով բաժանեցին 10-24-րդ տեղերը:
«A2» խմբում 7,5 միավորով հաղթեց Մարատ Ասկարովը (Ռուսաստան):
Արթուր Չիբուխչյանը եւ Արման Փաշիկյանը 6-ական միավորով կիսեցին
12-24-րդ տեղերը: Նշենք, որ Ա.Չիբուխչյանը նաեւ լրացրեց
գրոստմայստերի 1-ին միավորը: