ԱՐՏԱՇԵՍ ՄԻՆԱՍՅԱՆԸ ԵՎ ԴԱՎԻԹ ՊԵՏՐՈՍՅԱՆԸ ՄՈՍԿՈՎՅԱՆ
ՄՐՑԱՇԱՐՈՒՄ ԵՐԿՈՒԱԿԱՆ ՀԱՂԹԱՆԱԿ ԵՆ ՏԱՐԵԼ
16-02-2007 18:02:00 | Ռուսաստան | Սպորտ
ՄՈՍԿՎԱ, 16 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 15-ին
Մոսկվայում անցկացվեցին «Աէրոֆլոտ օփեն» միջազգային խոշոր մրցաշարի
2-րդ փուլի հանդիպումները: «Ա1» խմբում, որտեղ ընդգրկված է 84
մասնակից, 2-ական միավոր ունեն 7 շախմատիստներ, որոնց թվում է նաեւ
Արտաշես Մինասյանը: 24 շախմատիստներ, այդ թվում եւ Վլադիմիր
Հակոբյանը, վաստակել են 1,5-ական միավոր:
«Ա2» խմբում Դավիթ Պետրոսյանը եւ եւս 17 շախմատիստներ 2-ական
միավոր են վաստակել, իսկ Հայաստանի եւս 5 շախմատիստներ` 1,5-ական
միավոր:
Նշենք, որ «Ա2» խմբում հանդես են գալիս 143, «Ա3» խմբում`
203, իսկ «Ա4»-ում` 153 շախմատիստներ: