Հայաստանի եւ Ավստրիայի միջեւ կկնքվի կրթության, արվեստի եւ
մշակույթի բնագավառներում համագործակցության մասին փոխըմբռնման
հուշագիր
21-01-2010 15:40:00 | Հայաստան | Մշակույթ
ԵՐԵՎԱՆ, 21 ՀՈՒՆՎԱՐԻ, ՆՈՅՅԱՆ ՏԱՊԱՆ: Ավստրիայի կրթության,
արվեստի եւ մշակույթի դաշնային նախարար Քլաուդիա Շմիդի հրավերով
հունվարի 25-27-ին ՀՀ մշակույթի նախարար Հասմիկ Պողոսյանը կայցելի
Վիեննա` «Ավստրիայի Հանրապետության կրթության, արվեստի եւ
մշակույթի դաշնային նախարարության եւ ՀՀ մշակույթի նախարարության,
ՀՀ կրթության եւ գիտության նախարարության միջեւ կրթության, արվեստի
եւ մշակույթի բնագավառներում համագործակցության մասին» փոխըմբռնման
հուշագրի ստորագրման նպատակով:
Ըստ ՀՀ Մշակույթի նախարարության լրատվական ծառայության
հաղորդագրության, այցի ընթացքում նախատեսվում են Հ.Պողոսյանի
հանդիպումները Ավստրիայի երաժշտության, թանգարանների,
գրահրատարակչության ոլորտների պատասխանատուների հետ: