Մհեր Մկրտչյանը երկրորդ տեղը գրավեց Իրանի միջազգային
բազմօրյա հեծանվավազքում
18-12-2009 14:40:00 | Իրան | Սպորտ
ԹԵՀՐԱՆ, 18 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 11-14-ին
Իրանում անցկացվեց «Մազանդարան տուր» անվանումով միջազգային
երիտասարդական բազմօրյա հեծանվավազքը: 11 թիմերի 61 հեծանվորդներ
չորս փուլում հաղթահարեցին 460 կմ մրցատարածություն:
Հայաստանի հավաքականը թիմային հաշվարկում գրավեց 4-րդ տեղը:
3-րդ փուլի 120 կմ մրցատարածությունում հաղթող ճանաչվեց Մհեր
Մկրտչյանը: Նրան հանձնվեց «Լեռնային արքայի» մարզաշապիկը, որը նա
մինչեւ վերջ կրեց: Անհատական հաշվարկով 16-ամյա Մ.Մկրտչյանը գրավեց
երկրորդ տեղը` 14 վայրկյանով ետ մնալով հաղթողից` Սադիփուր Փայամից
(Իրան):