ՍՏԱՄԲՈՒԼ, 6 ՆՈՅԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Նոյեմբերի 5-ին, Երկրորդ միջազգային երգչախմբային օրերի շրջանակում Ստամբուլի Նշանթաշ Ըշըք լիցեյում հանդես է եկել Ֆերիգյուղի Ս. Վարդանանց երգչախումբը` Ատրուշան Հալաջյանի ղեկավարությամբ: Ինչպես հաղորդում է «Մարմարան», համերգը սկսվել է Մակար Եկմալյանի «Ով հայոց աշխարհ» երգով: Հնչել են նաեւ Կոմիտասի «Սոնա յարը», Էդգար Հովհաննիսյանի «Երեւանը»: Հանդիսատեսը խանդավառությամբ է ընդունել երգչախմբի կատարումները:

---