ԵՐԵՎԱՆ, 9 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 10-ին Երեւանի «Հանրապետական» մարզադաշտում տեղի կունենա ֆուտբոլի Հայաստանի եւ Իսպանիայի ազգային հավաքականների հանդիպումը: Նշենք, որ հյուրերը աշխարհի 2010թ.-ի առաջնության ընտրական փուլի խմբային մրցաշարի առաջատարներն են. նրանք հաղթել են իրենց մասնակցությամբ բոլոր 8 հանդիպումներում եւ 24 միավորով գլխավորում են մրցաշարային աղյուսակը: Իսկ Հայաստանի թիմը, որն ունի 4 միավոր, զբաղեցնում է 5-րդ խմբի վերջին` 6-րդ, հորիզոնականը: Հայաստանի հավաքականը 5 անգամ է պաշտոնական հանդիպում ունեցել Իսպանիայի հետ, կրել է նույնքան պարտություն, չի խփել ոչ մի գոլ եւ սեփական դարպասն ընդունել 14 գնդակ:

---