ՀԱՕԿ-ի նախագահ Գագիկ Ծառուկյանը պարգեւատրեց Եվրոպայի
մեծահասակների եւ աշխարհի պատանեկան առաջնությունների մեդալակիր
հայ ծանրորդներին
09-06-2009 18:46:00 | Հայաստան | Սպորտ
ԵՐԵՎԱՆ, 9 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 9-ին Հայաստանի
ազգային օլիմպիական կոմիտեի նախագահ Գագիկ Ծառուկյանը հյուրընկալեց
ծանրամարտի Եվրոպայի մեծահասակների եւ աշխարհի պատանեկան
առաջնությունների մեդալակիր մարզիկ-մարզուհիներին: Նա ավտոմեքենայի
բանալիներ հանձնեց Եվրոպայի չեմպիոն Առաքել Միրզոյանին:
Գ.Ծառուկյանի խոսքերով, Առաքել Միրզոյանը գնում է իր հոր`
օլիմպիական չեմպիոն Օքսեն Միրզոյանի, հետքերով: «Ես հավատում եմ,
որ Եվրոպայի առաջնությունում լավագույն ծանրորդ ճանաչված մեր
երիտասարդ դյութազնը առաջինը կճանաչվի նաեւ հունիսի 12-29-ին
Ռումինիայի մայրաքաղաք Բուխարեստում անցկացվելիք աշխարհի
երիտասարդական առաջնությունում» - նշեց նա:
Արծաթե մեդալակիրներ Նազիկ Ավդալյանին, Հռիփսիմե
Խուրշուդյանին եւ Սմբատ Մարգարյանին տրվեցին դրամական պարգեւներ:
Դրամական մրցանակի արժանացան նաեւ անձնական եւ հավաքականների
մարզիչները եւ բժիշկը: