ՄՈՆՏԵԲԵԼԼՈ, 22 ՄԱՅԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Մոնտեբելլոյի Սուրբ Խաչ եկեղեցու բակում հունիսի 6-ին տեղի կունենա հայկական ամենամյա երկրորդ փառատոնը, որը կսկսվի կեսօրին եւ կշարունակվի մինչեւ գիշեր: Ելույթ կունենան հայկական պարախմբեր եւ Հոշարյան եղբայրների նվագախումբը: Կանցկացվի նաեւ նարդու մրցաշաշար: Եկեղեցու հոգեւոր հովիվները հատուկ պտույտ կկազմակերպեն եկեղեցու ներսում, որի ընթացքում փառատոնի մասնակիցներին կծանոթացնեն հայկական եկեղեցու պատմությանը:

---