ԲՈՒԽԱՐԵՍՏ, 10 ԱՊՐԻԼԻ, ՆՈՅՅԱՆ ՏԱՊԱՆ: Բուխարեստում անցկացվող ծանրամարտի Եվրոպայի առաջնության տղամարդկանց մրցումներում ապրիլի 9-ին ելույթ ունեցան 85 կգ քաշայինները: Հայաստանի մարզիկներ Արամ Անդրիկյանը (Սեւան) եւ Գեւորգ Պողոսյանը (Սամաղար) իրենց հնարավորություններից թույլ հանդես եկան եւ անմասն մնացին խաղարկված պարգեւներից: Սպասելիքներն արդարացրեց Նազիկ Ավդալյանը (69 կգ, Գյումրի): Նա պոկեց 110 կգ, հրեց 135 կգ եւ երկամարտի 245 կգ արդյունքով գրավեց 2-րդ տեղը: Ն.Ավդալյանն իր հետ տուն կբերի 3 արծաթե մեդալ:

---