Ապրիլի 1-ի դրությամբ Հայաստանի գազահամակարգին միացված էին
578 553 բաժանորդներ
03-04-2009 15:28:00 | Հայաստան | Տնտեսություն
ԵՐԵՎԱՆ, 3 ԱՊՐԻԼԻ, ՆՈՅՅԱՆ ՏԱՊԱՆ: «ՀայՌուսգազարդ» ՓԲԸ-ի
փաստացի գազասպառող բաժանորդների թիվը մարտ ամսվա ընթացքում
ավելացել է 1 178-ով: Արդյունքում, ապրիլի 1-ի դրությամբ Հայաստանի
գազահամակարգին միացված էին 578 553 բաժանորդներ:
Ըստ ընկերության պաշտոնական կայքէջի ապրիլի 3-ի
հաղորդագրության, գազասպառման համակարգի անվտանգության բարձրացման
նպատակով ապրիլի 1-ի դրությամբ «ՀայՌուսգազարդ»-ի կողմից
բաժանորդների բնակարաններում տեղադրվել են 58 495 անվտանգության
սարքեր, այդ թվում 22 362-ը` մարտ ամսվա ընթացքում: Ընթացիկ տարում
ընկերությունը նախատեսում է նման սարքեր տեղադրել ընդհանուր առմամբ
250 հազար բաժանորդների բնակարաններում: