Մոսկվայում ավարտվեց շախմատի «Աէրոֆլոտ օփեն» միջազգային
փառատոնը
26-02-2009 16:02:00 | Ռուսաստան | Սպորտ
ՄՈՍԿՎԱ, 26 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 25-ին
Մոսկվայում ավարտվեց «Աէրոֆլոտ օփեն» շախմատի միջազգային խոշոր
փառատոնը:
A1 մրցաշարում առաջին-երկրորդ տեղերը 6,5-ական միավորով
բաժանեցին Էթիեն Բաքրոն (Ֆրանսիա) եւ Ալեքսանդր Մոյիսենկոն
(Ռուսաստան): Հայաստանի ներկայացուցիչ Արման Փաշիկյանը 6 միավորով
եւս 7 մասնակցների հետ կիսեց 3-9-րդ տեղերը:
A2 մրցաշարում 7-ական միավորով Ալեքսանդր Դանինը (Ռուսաստան)
եւ Մելիքսեթ Խաչիյանը (Հայաստան) բաժանեցին 1-2-րդ, իսկ Դավիթ
Պետրոսյանը` 6,5 միավորով` 3-5-րդ տեղերը:
C մրցաշարում 7 միավորով հաղթող ճանաչվեց Աղասի Ինանցը:
Նույնքան միավոր վաստակեց նաեւ Առնոլդ Մինասյանը, որը լրացուցիչ
ցուցանիշներով ճանաչվեց 4-րդը: