ՀԱՅԱՍՏԱՆԻ ՖՈՒՏԶԱԼԻ ՀԱՎԱՔԱԿԱՆԸ ԿՄԱՍՆԱԿՑԻ ԵՎՐՈՊԱՅԻ
ԱՌԱՋՆՈՒԹՅԱՆ ԽՄԲԱՅԻՆ ՄՐՑԱՇԱՐԻՆ
17-01-2007 15:30:00 | Հայաստան | Սպորտ
ԵՐԵՎԱՆ, 17 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 18-21-ին
Ֆինլանդիայի Վանտաա քաղաքում կանցկացվի ֆուտզալի Եվրոպայի
առաջնության նախնական փուլի 1-ին խմբի մրցաշարը, որին կմասնակցի
նաեւ Հայաստանի հավաքականը: Հայ մարզիկների մրցակիցներն են
տանտերերի` Ֆինլանդիայի (հունվարի 18-ին), Ալբանիայի (հունվարի
19-ին) եւ Թուրքիայի (հունվարի 21-ին) թիմերը:
Նշենք, որ Եվրոպայի առաջնության նախնական փուլի մրցաշարին
մասնակցում են 12 թիմեր, որոնք բաժանված են 3 խմբի: Ենթախմբերում
1-ին եւ 2-րդ տեղ գրավողները կշարունակեն պայքարը հաջորդ փուլում: