ՀՈՒՎԱՐԻ 17-ԻՆ ԿՈՄԻՏԱՍԻ ԱՆՎԱՆ ԿԱՄԵՐԱՅԻՆ ԵՐԱԺՇՏՈՒԹՅԱՆԸ ՏԱՆԸ
ԿՆԵՐԿԱՅԱՑՎԻ ՌՈՍՍԻՆԻԻ «ՎԵՐՋԻՆ ՄԵՍՍԱ»-Ն
16-01-2007 15:30:00 | Հայաստան | Մշակույթ
ԵՐԵՎԱՆ, 16 ՀՈՒՆՎԱՐԻ, ՆՈՅՅԱՆ ՏԱՊԱՆ: Երեւանի Կոմիտասի անվան
կամերային երաժշտության տանը հունվարի 17-ին կկայանա ՀՀ
ժողովրդական արտիստուհի Սվետլանա Նավասարդյանի, «Հովեր» կամերային
երգչախմբի եւ «Սոլո» կվարտետի համատեղ համերգը: Համերգին կհնչի
Ռոսինիի «Վերջին մեսսա» ստեղծագործությունը:
Ինչպես «ՆՈՅՅԱՆ ՏԱՊԱՆ»-ի թղթակցին հայտնեց երգչախմբի
գեղարվեստական ղեկավար եւ խմբավար Սոնա Հովհաննիսյանը, այս գործը
Հայաստանում քիչ է կատարվել: «Վերջին մեսսա»-ն հրաշք
ստեղծագործությունն է: Ի տարբերություն մյուս մեսսաների, սրանում
ավելի շատ լուսավոր եւ պայծառ հոգի կա: Մենք ամեն ինչ կանենք,
որպեսզի արվեստասեր հասարակայնությանը բարձր մակարդակով
ներկայացնենք այդ գործը»,- նշեց Ս.Հովհաննիսյանը: