ԱՆՇԱՐԺ ԳՈՒՅՔԻ ՕՏԱՐՄԱՆ ԳՈՐԾԱՐՔՆԵՐԻ ՔԱՆԱԿԸ 2006 Թ.-Ի
ՀՈՒՆՎԱՐ-ՍԵՊՏԵՄԲԵՐԻՆ ՆԱԽՈՐԴ ՏԱՐՎԱ ՆՈՒՅՆ ԺԱՄԱՆԱԿԱՀԱՏՎԱԾԻ ՀԱՄԵՄԱՏ
18,1%-ՈՎ ԱՃԵԼ Է
11-01-2007 13:46:00 | Հայաստան | Տնտեսություն
ԵՐԵՎԱՆ, 11 ՀՈՒՆՎԱՐԻ, ՆՈՅՅԱՆ ՏԱՊԱՆ: Հայաստանում 2006թ.-ի
հունվար-սեպտեմբերին անշարժ գույքի նկատմամբ իրականացվել է 90
հազար 213 գործարք, կամ 2005թ.-ի հունվար-սեպտեմբերի համեմատ 2%-ով
պակաս:
ՀՀ Ազգային վիճակագրական ծառայության տվյալներով, 2006թ.-ի
հունվար-սեպտեմբերին անշարժ գույքի նկատմամբ իրականացված օտարման
36 հազար 390 գործարքների 87,3%-ը կազմել են առքուվաճառքները,
11,9%-ը` նվիրատվությունները, 0,8%-ը` փոխանակությունները: Անշարժ
գույքի օտարման գործարքների քանակի 38,5%-ն արձանագրվել է Երեւան
քաղաքում: Օտարված անշարժ գույքի 38,1%-ը կազմել են բազմաբնակարան
շենքերի բնակարանները:
2006թ.-ի հունվար-սեպտեմբերին 2005թ.-ի հունվար-սեպտեմբերի
համեմատ անշարժ գույքի օտարման գործարքների քանակն աճել է
18,1%-ով: