ՖՐԱՆՍԻԱՅԻ ԱՋԱԿՑՈՒԹՅԱՄԲ ԵՐԵՎԱՆՈՒՄ ԿԲԱՑՎԻ ԶԲՈՍԱՇՐՋՈՒԹՅԱՆ
ԴՊՐՈՑ
26-12-2006 18:24:00 | Հայաստան | Տնտեսություն
ԵՐԵՎԱՆ, 26 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ֆրանսիայի Տրանսպորտի
եւ զբոսաշրջության նախարարությունը կաջակցի Երեւանում
Զբոսաշրջության դպրոցի հիմնադրմանը: Այս մասին դեկտեմբերի 26-ին
հայտնեց ՀՀ առեւտրի եւ տնտեսական զարգացման նախարար Կարեն
Ճշմարիտյանը` տարվա ամփոփիչ ասուլիսի ժամանակ:
Նրա խոսքերով, շարունակվում են Հայաստանը որպես
զբոսաջրջության երկիր ներկայացնելու քայլերը. գերմանական
«Լյուֆթհանզա» ընկերության հետ ձեռք է բերվել պայմանավորվածություն
ընկերության բոլոր ինքնաթիռներում Հայաստանի մասին գրկույքների
առկայությունն ապահովելու վերաբերյալ: Բացի այդ, 2007թ.-ին CNN
հեռաուստաալիքով եթեր կարձակվի Հայաստանը ներկայացնող
տեսահոլովակը:
Նշենք, որ 2006թ.-ի հունվար-սեպտեմբերին Հայաստան են այցելել
272 499 միջազգային զբոսաշրջիկներ` նախորդ տարվա նույն
ժամանակահատվածի համեմատ (230 հազար 390) 18,3 %-ով ավելի: Աճի
նման տեմպի պահպանման դեպքում զբոսաշրջային այցելությունների թիվը
2009թ.-ին կհատի 500 հազարի սահմանագիծը: