ԵՐԵՎԱՆ, 15 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 15-ին
ամփոփվեցին «Հույսի կամուրջ» եւ «Առաքելություն Արեւելք»
կազմակեպությունների հայտարարած «Հավասար հնարավորություններ»
խորագրով հաշմանդամության թեմայով լավագույն հրապարակման 4-րդ
մրցույթի արդյունքները: Ինչպես նշեց «Հույսի կամուրջ»-ի նախագահ
Սուսաննա Թադեւոսյանը, մրցույթի անցկացման նպատակը հաշմանդամ
երեխաների եւ երիտասարդների համար հավասար հնարավորությունների
ապահովման գաղափարի քարոզչությունն է:
Լավագույն հեռուստանյութ անվանակարգում առաջին մրցանակին
արժանացավ Գոհար Մանուկյանը (ՀՀ «Հայլուր» լրատվական ծրագիր),
երկրորդին` Քրիստինե Կարսլյանը (Հ2), երրորդին` Նելլի Դանիելյանը
(«Երկիր Մեդիա»):
Տպագիր եւ էլեկտրոնային ԶԼՄ-ներում լավագույն հոդված ճանաչվեց
Մարիաննա Գրիգորյանի «Ներառական կրթությունը» հոդվածը
(«ԱրմենիաՆաու» էլեկտրոնային շաբաթաթերթ): Երկրորդ եւ երրորդ
մրցանակներին արժանացան, համապատասխանաբար, Գայանե Սարգսյանը
(«Վանաձորյան խճանկար») եւ Սուսաննա Մարգարյանը («Ազգ»):
Լավագույն ռադիո հրապարակման հեղինակ ճանաչվեց` Հասմիկ
Սմբատյանը («Ազատություն»):
Խրախուսական մրցանակի արժանացավ Անահիտ Ծատուրյանը («Գործարար
տիեզերք» թերթ), իսկ հատուկ մրցանակը շնորհվեց Արզուման
Հարությունյանին («Արտ Սայթ» ստուդիա):