ՀԱՅԱՍՏԱՆԻ ՏՆՏԵՍՈՒԹՅՈՒՆԸ ԿՆԵՐԿԱՅԱՑՎԻ ՎԶԵԲ-Ի ՏԱՐԵԿԱՆ ԺՈՂՈՎԻՆ
12-12-2006 17:20:00 | Հայաստան | Տնտեսություն
ԵՐԵՎԱՆ, 12 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի
տնտեսությունը կներկայացվի Վերակառուցման եւ զարգացման եվրոպական
բանկի (ՎԶԵԲ) 2007թ.-ի մայիսի 20-21-ին ՌԴ Թաթարական
Հանրապետության մայրաքաղաք Կազանում անցկացվելիք Տարեկան ժողովին
եւ Գործարար համաժողովին: Այս մասին դեկտեմբերի 12-ի ասուլիսում
հայտնեց ՎԶԵԲ-ի հայաստանյան գրասենյակի տնօրեն Մայքլ Վայնշտայնը:
Նրա խոսքերով, նշված միջոցառումների ժամանակ քննարկվելու են
Հայաստանի տնտեսության ֆինանսական հատվածի զարգացմանը վերաբերող
հարցեր: «Համաժողովը կարող է վճռական դեր ունենալ Հայաստանի
ֆինանսական հատվածի զարգացման համար»,- նշեց Մ.Վայնշտայնը: