ԲԱՍԿԵՏԲՈԼԻ ՄՐՑԱՇԱՐՈՎ ԱՎԱՐՏՎԵՑԻՆ ԵՐԵՎԱՆԻ ՀԱՆՐԱԿՐԹԱԿԱՆ
ԴՊՐՈՑՆԵՐԻ ՄԱՐԶԱԿԱՆ ԽԱՂԵՐԸ
30-11-2006 17:46:00 | Հայաստան | Սպորտ
ԵՐԵՎԱՆ, 30 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 30-ին
«Դինամո» մարզադահլիճում անցկացված բասկետբոլի մրցաշարով
ավարտվեցին Երեւան քաղաքի հանրակրթական դպրոցների 5-րդ մարզական
խաղերը: Եզրափակիչ խաղում հանդիպեցին Էրեբունի համայնքի թիվ 6 եւ
Շենգավիթ համայնքի թիվ 69 դպրոցների բասկետբոլիստները: 63:44
հաշվով հաղթեցին Էրեբունու ներկայացուցիչները:
Խաղերի ծրագրում ընդգրկված էր 5 մարզաձեւ. աթլետիկական
կրոսավազք, սեղանի թենիս, շախմատ, վոլեյբոլ եւ բասկետբոլ: Երեւանի
193 դպրոցներից խաղերին մասնակցեցին 153-ը` ավելի քան 7300
աշակերտներ: Ընդհանուր թիմային հաշվարկում 1-ին տեղը գրավեց
Էրեբունի համայնքի թիվ 6 դպրոցը, 2-րդը` Արաբկիրի թիվ 132, 3-րդը`
Ավան համայնքի թիվ 171 դպրոցը:
Մրցանակակիրները, համապատասխանաբար, կպարգեւատրվեն 3000, 2500
եւ 2000 ԱՄՆ դոլարին համարժեք դրամով: Բացի այդ համայնքային 8
խմբերում, ընդհանուր թիմային հաշվարկում 1-3-րդ տեղեր գրաված
դպրոցները կպարգեւատրվեն, համապատասխանաբար, 1000, 800 եւ 600 ԱՄՆ
դոլարին համարժեք դրամով Պարգեւատրումը կկատարվի մարզաշխարհի
մեծարման տարեմուտի երեկոյի ժամանակ: