ԲԱՔՎՈՒՄ ԿԱՅԱՑԱԾ ՍԵՄԻՆԱՐԻՆ ՄԱՍՆԱԿՑԵԼ Է ՆԱԵՎ ՀՀ ՈՍՏԻԿԱՆՈՒԹՅԱՆ
ՊԱՏՎԻՐԱԿՈՒԹՅՈՒՆԸ
21-11-2006 17:20:00 | Հայաստան | Հասարակություն
ԵՐԵՎԱՆ, 21 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 16-17-ին
Բաքվում անցկացված ԱՊՀ անդամ երկրների Ներքին գործերի
նախարարությունների կադրային հարցերով պատասխանատուների հանդիպմանը
մասնակցել է նաեւ հայկական պատվիրակությունը` ՀՀ Ոստիկանության
շտաբի պետ Էդիկ Ղազարյանի գլխավորությամբ: Այս մասին «ՆՈՅՅԱՆ
ՏԱՊԱՆ»-ին հայտնեցին ՀՀ Ոստիկանության հասարակայնության հետ կապի
եւ լրատվության վարչությունից:
Ինչպես հաղորդում է ադրբեջանական APA գործակալությունը,
երկօրյա սեմինարի ընթացքում քննարկվել են ԱՊՀ անդամ երկրների
Ներքին գործերի նախարարությունների միջեւ համագործակցության
զարգացման, կազմակերպված հանցավորության եւ միջազգային
ահաբեկության դեմ պայքարին վերաբերող հարցեր: