ԵՐԵՎԱՆ, 21 ՆՈՅԵՄԲԵՐԻ, ՆՈՅՅԱՆ ՏԱՊԱՆ: «Հայաստան» համահայկական հիմնադրամի Գերմանիայի եւ Շվեյցարիայի տեղական մարմինների համաֆինասնավորմամբ կիրականացվի Արագածոտնի մարզի Լեռնարոտ գյուղի դպրոցի հիմնանորոգման ծրագիրը: Ինչպես «ՆՈՅՅԱՆ ՏԱՊԱՆ»-ի թղթակցին հայտնեցին հիմնադրամի հասարակայնության հետ կապերի բաժնից, 1972թ.-ին կառուցված դպրոցը շտապ վերանորոգման կարիք ունի: Ներկայումս Լեռնարոտի դպրոցում սովորում է 70 աշակերտ, սակայն հիմնանորոգումից հետո այնտեղ կարող են սովորել 180 աշակերտներ: Հիմնանորոգումից բացի նախատեսվում է նաեւ դպրոցի համար կաթսայատուն կառուցել: Նշվեց նաեւ, որ դպրոցի հիմնանորոգման ծրագիրն այժմ նախագծման փուլում է գտնվում, իսկ շինաշխատանքները կսկսվեն 2007թ.-ին:

---