ԻՐԱՆ-ՀԱՅԱՍՏԱՆ ԳԱԶԱՏԱՐԻ ՄԵՂՐԻ-ՔԱՋԱՐԱՆ ՀԱՏՎԱԾԻ
ՇԻՆԱՐԱՐՈՒԹՅՈՒՆԸ ՄԻՆՉԵՎ ԴԵԿՏԵՄԲԵՐԻ 20-Ը ԿԱՎԱՐՏՎԻ
24-10-2006 15:52:00 | Հայաստան | Տնտեսություն
ԵՐԵՎԱՆ, 24 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Իրան-Հայաստան գազատարի
Մեղրի-Քաջարան 40 կիլոմետրանոց հատվածի շինարարությունը
նախատեսվում է ավարտել մինչեւ դեկտեմբերի 20-ը, ինչը
հնարավորություն կտա նախատեսված ժամկետից` 2007թ.-ի հունվարի 1-ից,
շուտ սկսել նոր գազատարի շահագործումը: Ինչպես «ՆՈՅՅԱՆ ՏԱՊԱՆ»-ի
թղթակցին հայտնեց գազատարի հայկական հատվածի շինարարության
պատվիրատու «Բարձրավոլտ էլցանցեր» ընկերության տնօրեն Սահակ
Աբրահամյանը, արդյունքում Իրանից Հայաստան կներկրվի տարեկան մոտ
1,7 մլրդ խմ գազ: Նշենք, որ հայկական կողմի գազատարի
շինաաշխատանքներն իրականացնում է «ՀայՌուսգազարդ»-ը:
Ս.Աբրահամյանը նշեց, որ շինաշխատանքների իրականացման համար
նախատեսված 35 մլն ԱՄՆ դոլարի 80%-ը հայկական կողմը որպես վարկ
վերցրել է Իրանի Զարգացման բանկից, իսկ մնացածը կհատկացնի սեփական
միջոցներից:
Նշենք, որ Իրանից Հայաստան բնական գազի առաքման վերաբերյալ
պայամանգիրը ստորագրվել է 2004թ.-ի մայիսին Երեւանում: Ըստ այդ
պայմանագրի, Հայաստանը Իրանից պետք է ստանա տարեկան 1,1 մլրդ
խորանարդ մետրից ոչ պակաս գազ: Պայմանագրի գործողության ժամկետը 20
տարի է: Ներկրված գազի դիմաց Հայաստանը վճարելու է էլէներգիայով: