ՀՈՒՆՎԱՐ-ՕԳՈՍՏՈՍԻՆ ՀԱՅԱՍՏԱՆ Է ՆԵՐԿՐՎԵԼ 3985,2 ՏՈՆՆԱ
ՄԱՐԴԱՍԻՐԱԿԱՆ ՕԳՆՈՒԹՅՈՒՆ
20-10-2006 14:49:00 | Հայաստան | Հասարակություն
ԵՐԵՎԱՆ, 20 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ընթացիկ տարվա
հունվար-օգոստոսին մարդասիրական օգնության գծով Հայաստան են
ներկրվել 33,7 մլն ԱՄՆ դոլար ընդհանուր արժեքով 3985,2 տոննա
ապրանքներ: 2005թ.-ի նույն ժամանակահատվածում ներկրվել էին 24,8
մլն ԱՄՆ դոլար ընդհանուր արժեքով 4650,4 տոննա ապրանքներ: Ըստ ՀՀ
Ազգային վիճակագրական ծառայության տվյալների, ստացված օգնության
44,4%-ը կազմել է քիմիայի եւ դրա հետ կապված արդյունաբերական
ճյուղերի արտադրանքը, 22,9%-ը` սարքերը եւ ապարատները, 6,7%-ը`
մանածագործական իրերը, 6,5%-ը` մեքենաները, սարքավորումները եւ
մեխանիզմները: