ՍԱՆԿՏ ՊԵՏԵՐԲՈՒՐԳ, 18 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Սանկտ Պետերբուրգի երդվյալների դատարանը արդարացրել է վիետնամցի ուսանող Վու Ան Տուանի սպանության մեջ մեղադրվողներին, որն իրականացվել էր, ըստ մեղադրող կողմի, ազգային անհանդուրժողականության դրդապատճառներով: Սկզբնապես 9 մարդ մեղավոր է ճանաչվել Չինաստանի, Պաղեստինի եւ Գանայի քաղաքացիների վրա հարձակումների մեջ, սակայն երդվյալները ռասիստական դրդապատճառ չեն տեսել չորս հարձակումներից երկուսի առնչությամբ եւ դրանք համարել «փողոցային ծեծկռտոց»:

---