ԵՐԵՎԱՆ, 10 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ալ.Սպենդիարյանի անվան
օպերայի եւ բալետի ազգային ակադեմիական թատրոնում հոկտեմբերի 9-ին
կայացավ «Միսս Հայաստան-2003» մրցույթը, որին մասնակցեցին 17-25
տարեկան 23 աղջիկներ Հայաստանից եւ Արցախից: Մրցույթը բաղկացած էր
երկու փուլից:
Երկրորդ փուլ անցած 7 աղջիկներից «Միսս Հայաստան-2006»
տիտղոսին արժանացավ Մարինա Վարդանյանը: Վերջինս արժանացավ նաեւ
«Հանդիսատեսի համակրանք» եւ «Միսս մամուլ» մրցանակներին: Մարինա
Վարդանյանը ավարտել է Երեւանի պետական համալսարանի (ԵՊՀ) ռուսաց
լեզվի եւ գրականության ֆակուլտետը:
«Վիցե Միսս» ճանաչվեց Ռիտա Ծատուրյանը` Արցախից: Ռ.Ծատուրյանը
սովորում է ԵՊՀ-ի ռոմանոգերմանական բանասիրության ֆակուլտետի 4-րդ
կուրսում եւ երազում է ուսումը շարունակել Եվրոպայում: «Միսս
Հմայք» տիտղոսին արժանացավ դերասանուհի Տաթեւիկ Կարախանյանը
(Երեւան), իսկ «Միսս համերաշխություն»-ին` Երեւանի Բրյուսովի անվան
պետական լեզվաբանական համալսարանի 3-րդ կուրսի ուսանողուհի Մերի
Մինասյանը (Վայոց ձոր):
«Միսս Հայաստան» ազգային գործակալության նախագահ Կարեն
Արիստակեսյանը նշեց, որ Մ.Վարդանյանը հոկտեմբերի վերջին աշխարհի 46
երկրների գեղեցկուհիների հետ կմասնակցի «Միսս Եվրոպա-2006»
մրցույթին: