ԱԴՐԲԵՋԱՆՈՒՄ ՆՎԱԶԱԳՈՒՅՆԻ Է ՀԱՍՑՎԵԼ ԱՐՏԱՍԱՀՄԱՆՅԱՆ ԱԼԻՔՆԵՐԻ
ՄԻՋԱՄՏՈՒԹՅՈՒՆԸ ԵՐԿՐԻ ԵԹԵՐԱՅԻՆ ՏԱՐԱԾՈՒԹՅՈՒՆՈՒՄ
05-10-2006 17:27:00 | Ադրբեջան | Միջազգային
ԲԱՔՈՒ, 5 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Արտասահմանյան ալիքների
միջամտությունը Ադրբեջանի եթարային տարածքում կրճատվել է
85-90%-ով:
Այս մասին հայտնել է Կապի եւ տեղեկատվական տեխնոլոգիաների
նախարարության «Հեռուստառադիո» ԿԿ-ի տեխնիկական տնօրեն Միքայիլ
Աբբասովը: Ըստ նրա, այդ նպատակով Գյուլիստանի աշտարակի վրա
տեղակայվել են հատուկ սարքեր: Արդյունքում եթերային միջամտության
փաստերը լրիվ վերացել են Կենտրոնական Առանի շրջաններում: «Սակայն
այդ սարքերը կարող են բացասաբար անդրադառնալ եւ ադրբեջանական
հեռուստաալիքների հեռարձակման վրա: Այդ պատճառով կանխարգելման
միջոցներ են ձեռնարկվում Աղսուում եւ Թերթերում»:
Մ.Աբբասովը նշել է, որ «ԱզԹՎ» հեռուստաալիքը եւս մտնում է այլ
երկրների, մասնավորապես Վրաստանի եթերային տարածություն: Ըստ նրա,
Միջազգային հեռահաղորդակցական միության կանոնների համաձայն, դա
թույլատրելի է, եթե միջամտության հեռավորությունը չի գերազանցում
300 կիլոմետրը,- հաղորդում է ԱՊԱ-ն: