Շվեդիայի արտաքին գործերի նախարար Կարլ Բիլդտը կայցելի Հայաստան
11-06-2011 11:53:34 | Հայաստան | Քաղաքական
Հունիսի 13-14-ին Հայաստանի ԱԳ նախարար Էդվարդ Նալբանդյանի հրավերով պաշտոնական այցով Հայաստան կայցելի Շվեդիայի Թագավորության արտգործնախարար Կարլ Բիլդտը (Carl Bildt):
Ըստ ՀՀ ԱԳՆ Մամուլի, տեղեկատվության եւ հասարակայնության հետ կապի վարչության հաղորդագրության, այցի ընթացքում նախատեսված են Կարլ Բիլդտի հանդիպումները Հայաստանի Նախագահ Սերժ Սարգսյանի եւ արտգործնախարար Էդվարդ Նալբանդյանի հետ:
Նախատեսվում է քննարկել հայ-շվեդական համագաործակցության հետագա ընլդայնմանն առնչվող հարցեր, Հայաստան-ԵՄ հարաբերությունների վերջին զարգացումները եւ Ասոցացման համաձայնագրի բանակցությունների ներկայիս փուլը, ինչպես նաեւ տարածաշրջանային եւ միջազգային խնդիրների լայն շրջանակ: