ԱՌԱՋՆՈՒԹՅԱՆ 18-ՐԴ ՓՈՒԼԸ ՓՈՓՈԽՈՒԹՅՈՒՆՆԵՐ ՉԿԱՏԱՐԵՑ
ՄՐՑԱՇԱՐԱՅԻՆ ԱՂՅՈՒՍԱԿՈՒՄ
25-08-2006 15:50:00 | Հայաստան | Սպորտ
ԵՐԵՎԱՆ, 25 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 24-ին ավարտվեց
Հայաստանի ֆուտբոլի բարձրագույն խմբի առաջնության 18-րդ փուլը:
Գրանցվեցին հետեւյալ արդյունքները. «Բանանց» - «Միկա»` 1:0,
«Կիլիկիա» - «Փյունիկ»` 0:3, «Ուլիս» - «Շիրակ»` 1:0 եւ «Գանձասար»
- «Արարատ»` 1:3:
Առաջնության մրցաշարային աղյուսակում որեւէ փոփոխություն
չկատարվեց: 47 միավորով առաջատարն է Երեւանի «Փյունիկը»: Երկրորդ
տեղում «Բանանցն» է` 37, երրորդում` «Միկան»` 34 միավոր: «Արարատն»
ունի 30 միավոր եւ եզրափակում է առաջատար քառյակը: 19-րդ փուլի
հանդիպումները նախատեսված է անցկացնել սեպտեմբերի 9-ին եւ 10-ին: