ԹԲԻԼԻՍԻ, 22 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 22-ին Թբիլիսիում կկայանա Սեւծովյան ավազանի երկրների սահմանապահ ծառայությունների եւ առափնյա պահպանության փորձագետների հանդիպում: Հանդիպմանը մասնակցում են Վրաստանի, Բուլղարիայի, Ռումինիայի, Ռուսաստանի ներկայացուցիչները: Հանդիպումն անցկացվում է 2005 թվականի հոկտեմբերին Թբիլիսիում Սեւծովյան ավազանի երկրների սահմանապահ գերատեսչությունների եւ առափնյա պահպանության ծառայությունների ներկայացուցիչների ընդունած որոշման հիման վրա: Կողմերը կքննարկեն տվյալ երկրների սահմանապահ գերատեսչությունների միջեւ համագործակցության համաձայնագրի նախագիծը, տարածաշրջանային համագործակցության զարգացման, տեղեկատվությունների փոխանակման մեխանիզմների կատարելագործման եւ համատեղ զորավարժությունների պլանավորման հարցերը: Հանդիպման արդյունքում կստորագրվի արձանագրություն:

---