ՀՈՒՆԻՍԻ 7-ԻՆ ԼԵՈ ՊԼԱՏՎՈԵՏԸ ԲԱՔՈՒ ԿԺԱՄԱՆԻ ԱՆՀԵՏ ԿՈՐԱԾՆԵՐԻ
ՄԱՍԻՆ ԶԵԿՈՒՅՑԻ ՊԱՏՐԱՍՏՄԱՆ ՀԱՄԱՐ
02-06-2006 17:33:00 | Ադրբեջան | Միջազգային
ԲԱՔՈՒ, 2 ՀՈՒՆԻՍԻ, ՆՈՅՅԱՆ ՏԱՊԱՆ: Անհետ կորածների եւ
փախստականների խնդրի վերաբերյալ ԵԽԽՎ-ի զեկուցող Լեո Պլատվոետը
հունիսի 7-ին կժամանի Բաքու:
Լ.Պլատվոետի այցը Բաքու կկայանա Հարավային Կովկասի երկրներով
ճանաչողական ուղեւորության շրջանակում: Այցը կապված է պատերազմի
ընթացքում անհետ կորածներին եւ փախստականներին առնչվող
տարածաշրջանային իրադրության վերաբերյալ ԵԽԽՎ-ի համար զեկույցի
պատրաստման համար անհրաժեշտ նյութերի հավաքումն սկսելու հետ:
Այցի ընթացքում Լ.Պլատվոետը հանդիպումներ կունենա
ադրբեջանական իշխանությունների ներկայացուցիչների, ռազմագերիների
եւ անհետ կորածների պետհանձնաժողովի, ինչպես նաեւ ոչ կառավարական
կազմակերպությունների ներկայացուցիչների հետ: