ԵՄ. ՂԱՐԱԲԱՂՅԱՆ ՀԱԿԱՄԱՐՏՈՒԹՅՈՒՆԸ ԵՎ ՀՅՈՒՍԻՍԱՅԻՆ ԿԻՊՐՈՍԻ
ՀԱՐՑԸ ՉԻ ԿԱՐԵԼԻ ԴԻՏԱՐԿԵԼ ՆՈՒՅՆ ԱՆԿՅԱՆ ՏԱԿ
01-06-2006 17:47:00 | Ադրբեջան | Միջազգային
ԲԱՔՈՒ, 1 ՀՈՒՆԻՍԻ, ՆՈՅՅԱՆ ՏԱՊԱՆ: «Ղարաբաղյան
հակամարտությունը եւ Հյուսիսային Կիպրոսի հարցը չի կարելի դիտարկել
միեւնույն անկյան տակ, քանի որ դրանք բոլորովին տարբեր խնդիրներ
են»,- հայտարարել է Եվրամիության հարեւանության եվրոպական
քաղաքականության հանձնակատարի հատուկ ներկայացուցիչ Էմմա Ուդվինը:
Ընդգծելով, որ ներկայումս Հյուսիսային Կիպրոսի հակամարտությունը
գտնվում է քննարկման փուլում, Է.Ուդվինը նկատել է, որ դա շատ նուրբ
եւ միեւնույն ժամանակ կարեւոր հարց է: «Սակայն ճիշտ չէր լինի
զուգահեռ անցկացնել այդ երկու հակամարտությունների միջեւ»,- նշել է
նա, հաղորդում է ԱՊԱ-ն: