ՍԵՐԳԵՅ ԻՎԱՆՈՎ. «ՂԱՐԱԲԱՂՅԱՆ ԿԱՐԳԱՎՈՐՄԱՆ ԴՐՍԻՑ ՊԱՐՏԱԴՐՎԱԾ
ՑԱՆԿԱՑԱԾ ՁԵՎԱՉԱՓ ՎՏԱՆԳԱՎՈՐ Է»
31-05-2006 17:00:00 | Ադրբեջան | Միջազգային
ԲԱՔՈՒ, 31 ՄԱՅԻՍԻ, ՆՈՅՅԱՆ ՏԱՊԱՆ: «Մենք խնդրի խաղաղ քաղաքական
լուծման կողմնակից ենք: Ռուսաստանը, ինչպես Ֆրանսիան եւ ԱՄՆ-ը,
Լեռնային Ղարաբաղի գծով ԵԱՀԿ Մինսկի խմբի համանախագահ է»,- ԱՊՀ
երկրների պաշտպանության նախարարների խորհրդի նիստից հետո մամլո
ասուլիսում ասել է Ս.Իվանովը:
Ըստ նրա, ԵԱՀԿ Մինսկի խումբը, «որի շրջանակում բավական
կանոնավոր շփումներ են իրականացվում Ադրբեջանի եւ Հայաստանի
ներկայացուցիչների միջեւ, ճիշտ ճանապարհ է» խնդրի լուծման համար:
«Դրսից պարտադրված կարգավորման ցանկացած ձեւաչափ ոչ միայն
հակաարդյունավետ, այլեւ վտանգավոր է»,- ասել է Ս.Իվանովը,-
հաղորդում է «Ինտերֆաքսը»: