ԹԲԻԼԻՍԻ, 30 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 30-ի առավոտյան Ախալքալաքի ռուսական ռազմական բազայից դուրս է եկել ռազմական տեխնիկայի հերթական էշելոնը: Ինչպես «Ռեգնում» գործակալության թղթակցին հայտնել են Վրաստանի պաշտպանության նախարարությունում, այս անգամ, հատուկ համատեղ հանձնաժողովի հսկողությամբ, Ադրբեջանի տարածքով Ռուսաստան են փոխադրվում 15 ինքնագնաց հրետակայանքներ: Սպառազինությունների հաջորդ խմբաքանակը ախալքալաքյան բազայից Հայաստան կտեղափոխվի մայիսի 31-ին: Զուգահեռ իրականացվում է ռազմական տեխնիկայի դուրսբերումը Բաթումի 12-րդ ռուսական ռազմական բազայից. սպառազինությամբ բարձված շարասյունը Բաթումի բազան կթողնի հունիսի 1-ին:

---