ԲԱԹՈՒՄՈՒՄ ԾՐԱԳՐՎՈՒՄ Է ԲԱՑԵԼ ՀԱՅԱՍՏԱՆԻ ՀՅՈՒՊԱՏՈՍՈՒԹՅՈՒՆ
29-05-2006 14:59:00 | Վրաստան | Միջազգային
ԲԱԹՈՒՄ, 29 ՄԱՅԻՍԻ, ՆՈՅՅԱՆ ՏԱՊԱՆ: Բաթումում ծրագրվում է
բացել Հայաստանի հյուպատոսություն: Այս մասին կիրակի լրագրողներին
հայտարարել է Վրաստանում Հայաստանի դեսպան Հրաչ Սիլվանյանը
Աջարիայի ինքնավար հանրապետության կառավարության նախագահ Լեւան
Վարշալոմիձեի հետ հանդիպումից հետո: Հրաչ Սիլվանյանը նշել է, որ
դիվանագիտական ներկայացուցչության բացումը կնպաստի Հայաստանի եւ
Վրաստանի համագործակցությանը տուրիստական բիզնեսի զարգացման
ոլորտում: Հայաստանի դեսպանը չի բացառել, որ մոտ ապագայում
հայկական խոշոր ներդրումներ կկատարվեն Աջարիայում: Ըստ նրա, հայ
բիզնեսմենները մտադիր են ներդրումներ կատարել կաթնամթերքների
արտադրության մեջ, հասարակական սննդի օբյեկտներում: Հրաչ
Սիլվանյանը հանդիպումներ է ունեցել Բաթումի քաղաքապետարանում:
Քննարկվել են համագործակցության հարցեր: Հայ դիվանագետը հանդես է
եկել Բաթում եւ Վանաձոր քաղաքների եղբայրացման նախաձեռնությամբ:
Հրաչ Սիլվանյանը հանդիպել է նաեւ Բաթումի հայ համայնքի
ներկայացուցիչների հետ: