ՌՈԲԵՐՏ ՔՈՉԱՐՅԱՆԸ ՇԱՌԼ ԱԶՆԱՎՈՒՐԻՆ ՇՆՈՐՀԱՎՈՐԵԼ Է ԾՆՆԴՅԱՆ
ՏԱՐԵԴԱՐՁԻ ԿԱՊԱԿՑՈՒԹՅԱՄԲ
22-05-2006 16:15:00 | Հայաստան | Մշակույթ
ԵՐԵՎԱՆ, 22 ՄԱՅԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: ՀՀ նախագահ
Ռոբերտ Քոչարյանը մայիսի 22-ին շնորհավորական ուղերձ է հղել
մեծանուն երգիչ Շառլ Ազնավուրին` ծննդյան տարեդարձի կապակցությամբ:
Ուղերձում, որ «ՆՈՅՅԱՆ ՏԱՊԱՆ»-ին են տրամադրել նախագահի մամլո
գրասենյակից, ասված է.
«Սիրելի Շառլ Ազնավուր,
Սրտանց շնորհավորում եմ Ձեզ ծննդյան տարեդարձի կապակցությամբ:
Բացառիկ արվեստագետի եւ մեծ հայի Ձեր նկարագիրը ոգեւորել եւ
ուժ է տվել բազմաթիվ մարդկանց: Դուք մեր ժողովրդի հպարտությունն
եք, որի երգերով եւ հայրենասիրական կեցվածքով սերունդներ են
հիացել:
Շնորհավորելով ծննդյան տարեդարձի առթիվ` մաղթում եմ Ձեզ` իմ
մեծ բարեկամին, քաջառողջություն, երկար եւ բեղմնավոր
ստեղծագործական կյանք»:
Նշենք, որ այս տարի լրացավ աշխարհահռչակ երգչի 82-ամյակը: