ՍԵՐԺ ՍԱՐԳՍՅԱՆԸ «ԿԻԼԻԿԻԱ» ԱՌԱԳԱՍՏԱՆԱՎԻ ԱՆՁՆԱԿԱԶՄԻՆ
ՊԱՐԳԵՎԱՏՐԵԼ Է ՀՀ ՊՆ «ԾՈՎԱԿԱԼ ԻՍԱԿՈՎ» ՄԵԴԱԼՈՎ
10-05-2006 20:33:00 | Հայաստան | Մշակույթ
ԵՐԵՎԱՆ, 10 ՄԱՅԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Ռուսաստանյան Դաշնության գետերով «Կիլիկիա» առագաստանավի
նավարկության կազմակերպման նախապատրաստական աշխատանքների ընթացքը,
ինչպես նաեւ առագաստանավը Հայաստան բերելու հետ կապված խնդիրներն
են ներկայացրել «Կիլիկիա»-ի նավապետ Կարեն Բալայանն ու
նավաստի-կոմիսար Զորի Բալայանը մայիսի 10-ին ՀՀ նախագահին առընթեր
Ազգային անվտանգության խորհրդի քարտուղար, պաշտպանության նախարար
Սերժ Սարգսյանի հետ հանդիպմանը:
Նախարարը գոհունակություն է հայտնել նավարկության առաջին եւ
երկրորդ փուլերի հաջող իրականացման առնչությամբ` նշելով, որ
կուտակած փորձն ու հմտությունները մեծապես կնպաստեն եզրափակիչ
փուլը պատվով ավարտին հասցնելու գործում:
Ինչպես «ՆՈՅՅԱՆ ՏԱՊԱՆ»-ին հայտնեց պաշտպանության նախարարի
մամլո քարտուղար, գնդապետ Սեյրան Շահսուվարյանը, հանդիպման վերջում
Սերժ Սարգսյանը «Կիլիկիա» առագաստանավի` օվկիանոս դուրս եկած
անձնակազմին պարգեւատրել է ՀՀ ՊՆ «Ծովակալ Հ.Ս.Իսակով» մեդալով`
հայկական ծովագնացության եւ նավաշինության միջնադարյան
ավանդույթների վերականգնման, Հայաստան-Սփյուռք համազգային
միասնության ամրապնդման համար: