ԶՈՐԻ ԲԱԼԱՅԱՆԸ ԱՐԿԱԴԻ ՂՈՒԿԱՍՅԱՆԻՆ ՏԵՂԵԿԱՑՐԵԼ Է «ԿԻԼԻԿԻԱ»
ԱՌԱԳԱՍՏԱՆԱՎԻ ՆԱՎԱԳՆԱՑՈՒԹՅԱՆ ՀԵՐԹԱԿԱՆ ՓՈՒԼԻ ՎԵՐՍԿՍՄԱՆ ՄԱՍԻՆ
10-05-2006 16:30:00 | Հայաստան | Մշակույթ
ՍՏԵՓԱՆԱԿԵՐՏ, 10 ՄԱՅԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: ԼՂՀ
նախագահ Արկադի Ղուկասյանը մայիսի 9-ին ընդունել է գրող եւ
հրապարակախոս Զորի Բալայանին, որը տեղեկացրել է «Կիլիկիա»
առագաստանավի նավագնացության հերթական փուլի վերսկսման եւ դրա
ընթացքում իրականացվելիք ծրագրերի մասին:
Ինչպես «ՆՈՅՅԱՆ ՏԱՊԱՆ»-ին հայտնում է ԼՂՀ նախագահի մամլո
քարտուղարի պաշտոնակատարը, Արկադի Ղուկասյանն իր հերթին խնդրել է
հայ նավագնացներին փոխանցել բարի երթի եւ նորանոր հաջողությունների
իր մաղթանքներն ու հույս է հայտնել, որ այս անգամ եւս «Կիլիկիայի»
անձնակազմը պատվով կկատարի հայ ծովագնացության ավանդույթների
վերականգնման իր բարձր առաքելությունը: