ԵՐԵՎԱՆՈՒՄ ԱՊՐԻԼԻ 20-ԻՆ ԿՄԵԿՆԱՐԿԻ «ԱԶԳԱՅԻՆ ՊԱՏԿԵՐԱՍՐԱՀ»
ԵՐԿՐՈՐԴ ԵՐԱԺՇՏԱԿԱՆ ՓԱՌԱՏՈՆԸ
18-04-2006 17:35:00 | Հայաստան | Մշակույթ
ԵՐԵՎԱՆ, 18 ԱՊՐԻԼԻ, ՆՈՅՅԱՆ ՏԱՊԱՆ: «Ազգային պատկերասրահ»
երաժշտական երկրորդ փառատոնը կանցկացվի ապրիլի 20-ից մինչեւ
հունիսի 15-ը: Ութ համերգաշարից բաղկացած այս փառատոնին, որ
նվիրված է լինելու Հայաստանի Ազգային պատկերասրահի 85-ամյակին,
մասնակցելու են միջազգային համբավ վայելող այնպիսի
երաժիշտ-կատարողներ, ինչպիսիք են Վարդան Մամիկոնյանը (Ֆրանսիա),
Սերգեյ Բաբայանը (Ռուսաստան), Սվետլանա Նավասարդյանն ու Բարսեղ
Թումանյանը:
Ինչպես «ՆՈՅՅԱՆ ՏԱՊԱՆ»-ին հայտնեցին Ազգային պատկերասրահից,
մայիսի 5-ին փառատոնի շրջանակում տեղի կունենա համերգ` նվիրված
«Հայաստան» համահայկական հիմնադրամի հոգաբարձուների խորհրդի 15-րդ
նստաշրջանին եւ ՀՀ նախագահի` դասական երաժշտության բնագավառում
երիտասարդական մրցանակաբաշխությանը: