ՀՈՒՆԻՍԻՆ ՆՈՅԵՄԲԵՐՅԱՆՈՒՄ ԿԿԱՅԱՆԱ ԵՐԻՏԱՍԱՐԴ ԲՆԱՊԱՀՊԱՆՆԵՐԻ
ՄԻՋԱԶԳԱՅԻՆ ԿՈՆՖԵՐԱՆՍ
12-04-2006 17:10:00 | Հայաստան | Հասարակություն
ՆՈՅԵՄԲԵՐՅԱՆ, 12 ԱՊՐԻԼԻ, ՆՈՅՅԱՆ ՏԱՊԱՆ: Հունիսի 28-30-ը
Տավուշի մարզի Նոյեմբերյան քաղաքում կկայանա երիտասարդ
բնապահպանների միջազգային կոնֆերանս: Այս մասին «ՆՈՅՅԱՆ ՏԱՊԱՆ»-ի
թղթակցին հայտնեց կոնֆերանսի նախաձեռնող, բնապահպանական
«ՈւնիԷկոֆոր» ընկերության նախագահ Սահակ Աթանեսյանը: Կոնֆերանսի
շրջանակներում նախատեսվում է բնապահպանական ֆիլմերի ցուցադրություն
եւ մրցույթի կազմակերպում:
Ի դեպ, դեռեւս 1994թ.-ին Հագվի գյուղի «Ճիլ գոլ» ջրամբարում
Ս.Աթանեսյանը հայտնաբերել է փոքրասիական տրիտոններ: Նրա խոսքերով,
մինչ այդ համարվում էր, որ այդ երկկենցաղ կենդանիները բնակվում են
միայն Արեւմտյան Կովկասի եւ Փոքր Ասիայի լեռներում: