ԵՐԵՎԱՆ, 10 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Իսրայելի Բեեր Շեւա
քաղաքում ընթացող շախմատի աշխարհի թիմային առաջնության նախավերջին`
8-րդ, տուրում Հայաստանի շախմատիստները 2,5-1,5 հաշվով հաղթեցին
առաջատարներին` Չինաստանի տղամարդկանց թիմին, որը մեկնարկից սկսած
վստահորեն գլխավորում էր առաջնությունը: Այդ մրցախաղում 3 պարտիա
ավարտվեց ոչ-ոքի արդյունքով, իսկ 4-րդում Կարեն Ասրյանը պարտության
մատնեց իր մրցակցին:
Տուրի մյուս մրցախաղերում գրանցվեցին այսպիսի արդյունքներ.
Ռուսաստան - Չինաստան (կանայք)` 3-1, Ուկրաինա - Իսրայել` 2,5-1,5,
ԱՄՆ - Կուբա` 2-2: Վրաստանի շախմատիստները այդ տուրում խաղից ազատ
էին:
9-րդ տուրից առաջ մրցապայքարը շարունակում է գլխավորել
Չինաստանի տղամարդկանց հավաքականը, որը 28 հնարավորից 21 միավոր է
վաստակել: 2-րդ տեղում է Ռուսաստանի (18,5 միավոր), 3-րդ տեղում`
Հայաստանի (16,5) թիմը: Վերջին տուրում Հայաստանի հավաքականը
մրցելու է Կուբայի հավաքականի հետ: