ԵՐԵՎԱՆ, 9 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 18-ին «Արամ Խաչատրյան» համերգասրահում կկայանա կոմպոզիտոր Ղազարոս Սարյանի 85-ամյակին նվիրված հոբելյանական համերգ: Ինչպես նշված է Հայաստանի Պետական ֆիլհարմոնիկ նվագախմբից «ՆՈՅՅԱՆ ՏԱՊԱՆ»-ին տրամադրված հաղորդագրությունում, համերգին Ֆիլհարմոնիկի նվագակցությամբ կհնչեն Ղազարոս Սարյանի ստեղծագործություններից` «Պասակալիա», «Ջութակի կոնցերտ», «Հայաստան» սիմֆոնիկ պաննո: Համերգն անցկացվում է Հայաստանի Կոմպոզիտորների եւ երաժշտագետների միության եւ Հայաստանում ՅՈՒՆԵՍԿՕ-ի գործերով ազգային հանձնաժողովի հետ համատեղ:

---