ՀԱՅԱՍՏԱՆԻ ՄԱՐՄՆԱՄԱՐԶՈՒՀԻՆԵՐԸ ԱՌԱՋԻՆ ՏԵՂԸ ԳՐԱՎԵՑԻՆ ԹԵՀՐԱՆԻ
ՄԻՋԱԶԳԱՅԻՆ ՄՐՑՈՒՄՆԵՐՈՒՄ
29-09-2005 19:24:00 | Հայաստան | Սպորտ
ԹԵՀՐԱՆ, 29 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Հայ մարմնամարզուհիները
1-ին տեղը գրավեցին Թեհրանում անցկացված սպորտային
մարմնամարզության կանանց միջազգային մրցումներում, որոնց
մասնակցում էին 7 թիմեր: Նրանք հաղթող դարձան նաեւ անհատական
մրցումներում: Չորս մրցաձեւերից անցկացված բազմամարտում 1-ին տեղը
գրավեց Աստղիկ Գյուլնազարյանը, որն ուժեղագույնն էր նաեւ
հենացատկերում եւ ազատ վարժություններում: Հայաստանի
մարմնամարզուհներից եւս 2-ը դարձան մրցանակակիրներ: Լիանա
Կաբալյանը հաղթող դարձավ հավասարակշռության գերանի վրա
վարժություններում, իսկ Մարգարիտա Գրիգորյանը 3-րդ տեղը գրավեց
ազատ վարժություններում: