ԵՐԵՎԱՆ, 29 ՕԳՈՍՏՈՍԻ, ՆՈՅՅԱՆ ՏԱՊԱՆ: Բասկետբոլի համահայկական
1-ին մրցաշարի վերջին օրը որոշվեցին տղամարդկանց ուժեղագույն
թիմերը: Եզրափակիչ խաղում տղամարդկանց Երեւանի թիմը 68-59 հաշվով
պարտության մատնեց Համահայկական խաղերի կրկնակի չեմպիոն Վալլեյի
թիմին եւ նվաճեց մրցաշարի հաղթողի կոչումը: Երեւանցիներին հանձնվեց
գլխավոր մրցանակը` մեծանուն բասկետբոլիստ Արմենակ Ալաջաջյանի
գավաթը: Վալլեյի թիմը բավարարվեց 2-րդ տեղով, իսկ 3-րդով ԱՄՆ-ի մեկ
այլ` Գլենդեյլի թիմը, որը վճռական խաղում հաղթեց Թբիլիսիի թիմին:
Մրցաշարի ավարտին Երեւանի, Վալլեյի, Գլենդեյլի տղամարդկանց,
ինչպես նաեւ կանանց մրցումների մրցանակակիրներ Երեւանի, Թեհրանի եւ
Գյումրիի թիմերը պարգեւատրվեցին համապատասխան կարգի մրցանակներով:
Նշենք, որ 2007-ին Հայաստանի մայրաքաղաքում կանցկացվեն
Համահայկական 4-րդ խաղերը: